«Մեկնարկել է Պուտին-Ուիթքոֆ հանդիպումը»․ Պեսկով

Կրեմլում տեղի է ունենում ՌԴ նախագահ Վլադիմիր Պուտինի և ԱՄՆ նախագահի հատուկ ներկայացուցիչ Սթիվ Ուիթքոֆի հանդիպումը։ Այս մասին լրագրողներին հայտնել է ՌԴ մամուլի քարտուղար Դմիտրի Պեսկովը, փոխանցում է ՏԱՍՍ-ը։

«Վլադիմիր Պուտինը Կրեմլում ընդունում է նախագահ Թրամփի բանագնաց Սթիվ Ուիթքոֆին», - ասել է Պեսկովը։

Սա Պուտինի և Ուիթքոֆի երկրորդ հանդիպումն է վերջին երկու շաբաթվա ընթացքում և չորրորդը՝ տարվա սկզբից ի վեր։ Վերջին հանդիպումը տեղի էր ունեցել Սանկտ Պետերբուրգում՝ ապրիլի 11-ին, և տևել է ավելի քան չորս ժամ։

Հանդիպման օրակարգում Ուկրաինայում ստեղծված իրավիճակի քննարկումն է։

Պեսկովը նշել է, որ խնդիրը բազմաթիվ կողմեր ​​ունի, և «շփումները, որպես կանոն, բավականին երկար են տևում, դրանք շատ օգտակար են և Պուտինի ու Թրամփի միջև դիրքորոշումները փոխանակելու շատ լավ և հուսալի խողովակ են հանդիսանում։