«Ուկրաինայում օդային տագնապ է»․ Զելենսկին արձագանքել է Պուտինի հայտարարած հրադադարին

Ուկրաինայի նախագահ Վլադիմիր Զելենսկին անդրադարձել է ՌԴ նախագահ Վլադիմիր Պուտինի կողմից հայտարարված Զատկի առթիվ հրադադարին։

«Ինչ վերաբերում է մարդկանց կյանքերի հետ խաղալու Պուտինի հերթական փորձին՝ այժմ Ուկրաինայի ողջ տարածքում օդային տագնապ է։

Ժամը 17:15-ին մեր երկնքում հայտնաբերվել են ռուսական հարվածային անօդաչու թռչող սարքեր։ Ուկրաինայի հակաօդային պաշտպանությունն ու ավիացիան արդեն գործի են անցել։ «Շահեդները» մեր երկնքում են։ Սա է Պուտինի իրական վերաբերմունքը Զատիկի և մարդկային կյանքերի նկատմամբ»,-Թելեգրամում գրել է Զելենսկին։