Ռաֆիկ Հարությունյանը` Եվրոպայի առաջնության փոխչեմպիոն

Մոլդովայում շարունակվող Եվրոպայի առաջնությունում պայքարի մեջ մտան 81 կգ քաշային ծանրորդները: Հայաստանի ընտրանու անդամ Ռաֆիկ Հարությունյանը (անձնական մարզիչ՝ Գագիկ Գրիգորյան) պոկում վարժությունում ունեցավ երեք հաջող մոտեցում՝ 150 կգ, 155 կգ, 158 կգ ու այս ձևում դարձավ արծաթե մեդալակիր: Այս մասին տեղեկացնում է Հայաստանի ծանրամարտի ֆեդերացիան։

Հրում վարժությունում Հարությունյանը բարձրացրեց 185 կգ: Երկամարտի 343 կգ արդյունքով՝ Ռաֆիկ Հարությունյանը դարձավ Եվրոպայի առաջնության արծաթե մեդալակիր: Հայաստանի ծանրամարտի տղամարդկանց հավաքականի գլխավոր մարզիչը Փաշիկ Ալավերդյանն է, իսկ ընտրանու մարզիչը՝ Հակոբ Փիլոսյանը: