«Հայ-թուրքական սահմանի բացման հարցում առաջընթաց չկա»․ Սերդար Քըլըչ

Հայ-թուրքական սահմանի բացման հարցում առաջընթաց չկա, ՌԻԱ Նովոստիին ասել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը։

«Մենք ցանկանում ենք զարգացնել գործընթացը, կապի մեջ ենք (Երևանի հետ): Բայց այս պահին կոնկրետ ժամկետ չկա»,- հայկական կողմի հետ առաջիկա բանակցություններն է մեկնաբանել դիվանագետը։

Հիշեցնենք՝ ՀՀ և Թուրքիայի հատուկ բանագնացներն այսօր հանդիպել են Անթալիայում ընթացող Դիվանագիտական ֆորումի շրջանակներում։