ԱՄՆ-ն ակնկալում է հնարավորինս շուտ պայմանավորվածություններ ձեռք բերել Ռուսաստանի և Ուկրաինայի հետ

ԱՄՆ-ն ակնկալում է հնարավորինս շուտ պայմանավորվածություններ ձեռք բերել Ռուսաստանի և Ուկրաինայի հետ։ Այս մասին հայտարարել է ԱՄՆ-ի նախագահ Դոնալդ Թրամփը։

«Մենք հուսով ենք, որ կարող ենք համեմատաբար շուտ գործարք կնքել Ռուսաստանի և Ուկրաինայի հետ՝ դադարեցնելու համար մարտերը»,- ասել է նա՝ պատասխանելով Սպիտակ տանը լրագրողների հարցերին։

Ավելի վաղ ամերիկացի առաջնորդը հայտարարել էր, որ Ռուսաստանը, ԱՄՆ-ն և Ուկրաինան մոտ են պայմանավորվածությունների իրագործմանը։ Նա, սակայն, ընդգծել է, որ վերջին շաբաթվա ընթացքում իրավիճակը որոշակիորեն սրվել է ռմբակոծությունների հաճախականության պատճառով։