The Atlantic-ի գլխավոր խմբագիրը պատահաբար հայտնվել է ԱՄՆ-ի հարվածները քննարկող փակ չաթում
 The Atlantic-ի գլխավոր խմբագիր Ջեֆրի Գոլդբերգը պատահաբար հայտնվել է Signal զրուցարանի փակ չաթում, որտեղ ԱՄՆ-ի Ազգային անվտանգության խորհրդի անդամները քննարկելիս են եղել Եմենի հութիների դեմ գործողության ծրագրերը։ Այս մասին գրում է լրատվական գործակալությունը։ Զրույցում ընդգրկված են եղել պաշտպանության նախարար Փիթ Հեգսեթը, պետքարտուղար Մարկո Ռուբիոն, փոխնախագահ Վենսը: Լրագրողը չաթ մտել է մարտի 13-ին՝ ԱՄՆ-ի իշխանությունների կողմից ռազմական գործողությունների մեկնարկի մասին հայտարարելուց երկու օր առաջ։ «Եթե կարծում եք, որ մենք պետք է դա անենք, շարունակեք: ...Ես պարզապես ատում եմ, որ ստիպված եմ նորից փրկել Եվրոպան»,- գրել է Վենսը չաթում (ԱՄՆ-ն պնդում է, որ հութիների գործողություններն ավելի շատ վնասում են Եվրոպային): The Atlantic-ը նշում է, որ թեև Վենսը հրապարակավ չի հեռանում Թրամփի դիրքորոշումներից, սակայն նամակագրության մեջ նա կասկածի տակ է դրել նախագահի իրազեկվածությունը: «Ես վստահ չեմ, որ նախագահը գիտակցում է, թե դա որքանով է անհամապատասխան Եվրոպայի նկատմամբ իր ներկայիս քաղաքականության հետ: Կա նաև նավթի գների չափավոր կամ ուժեղ թռիչքի վտանգ։ Ես պատրաստ եմ աջակցել թիմի կոնսենսուսին և այս մտահոգությունները պահել ինձ: Բայց մեկ ամսով հետաձգելու լուրջ փաստարկներ կան»։ Փենթագոնի ղեկավարը նրան պատասխանել է. «Ես լիովին կիսում եմ ձեր զզվանքը Եվրոպայի մակաբուծության հանդեպ։ Սա խղճալի տեսք ունի: Բայց Մայքը իրավացի է, մենք միակն ենք մոլորակի վրա (մեր կողմից), ով կարող է դա անել: Մոտիկ էլ ուրիշ մարդ չկա»։ Ավելի ուշ Սպիտակ տունը հաստատել է նամակագրության իսկությունը։ Չաթի ստեղծողի՝ Մայք Ուոլցի գործողությունները կարող էին խախտել Լրտեսության մասին օրենքի մի քանի դրույթ, որը կարգավորում է ռազմական տեղեկատվության հետ վարվելը, ասում են լրատվականի հետ զրուցած փաստաբանները։ Փորձագետները բացատրել են, որ Signal հավելվածը կառավարությունը չի համարում, որ հարմար է գաղտնի տեղեկատվության փոխանակման համար։ Եթե չաթի մասնակիցները կորցնեին իրենց հեռախոսները կամ գողանային դրանք, ազգային անվտանգության հնարավոր վտանգը լուրջ կլիներ: |
«Հաղորդում եմ ներկայացրել Մայր Աթոռի տարածքում գտնվող խուլիգանների ու ոստիկանների դեմ»․ Անի Գևորգյան (տեսանյութ)
4820:54
Ադրբեջանական նավթամթերք ներմուծողներից մեկը Խաչատուր Սուքիասյանի ընտանիքին պատկանող ընկերությունն է
4820:36
«Սրանից հետո որևէ մարդ կվստահի՞, կհամագործակցի՞ ԱԱԾ-ի հետ»․ Արսեն Բաբայան
6520:18
Երթևեկության փոփոխություն՝ Պուշկինի փողոցում
6819:06
«Ամենազազրելին տիրադավ հոգևորականների դավաճանությունն էր»․ Սեյրան Օհանյան
9318:24
«Կձգտեն փոխել «Հայոց» բառը «Հայաստանի» տերմինով՝ ասելով Հայաստանի կաթողիկոս»․ Կարապետ Պողոսյան
8018:00