«Քննիչն ու դատախազը հայտնվելու են մեղադրյալի աթոռին՝ իրենց հետ բերելով Նիկոլ Փաշինյանին». Էդգար Ղազարյան

«Ուզում եմ հատուկ շնորհակալություն հայտնել քննիչին ու դատախազին այս քրեական վարույթը նախաձեռնելու համար, որի արդյունքում իրենք հայտնվելու են մեղադրյալի աթոռին: Վստահ եմ, որ իրենք իրենց հետ դատարան կբերեն Նիկոլ Փաշինյանին, Վահե Գրիգորյանին, ՍԴ բազմաթիվ դատավորների՝ մեղադրյալի կարգավիճակում»,- լրագրողների հետ զրույցում նշեց հասարակական-քաղաքական գործիչ Էդգար Ղազարյանը՝ անդրադառնալով իր դեմ նախաձեռնված քրեական վարույթին: «Ես ինքս միացել եմ 5 իրավապաշտպաններին, ոչ թե ինձ պաշտպանելու, այլ խոսքի արժեքը, խոսքի իրավունքը պաշտպանելու, մեր երկրի օրինականությունն ու սահմանադրականությունը պաշտպանելու և մարդու իրավունքները պաշտպանելու համար»,- նշեց Ղազարյանը։

Նա նաև ընդգծեց, որ սա իր դեմ իրականացվող գործողություն չէ։ «Ես ուղղակի թիրախավորվել եմ այս գործընթացում, և ինքս միացել եմ այդ գործի պաշտպանույթանը: Ոչ մի մարդ չի կարող Հայաստանում խոսք ասելու համար պատժվել, բացի նրանցից, ում խոսքը համընկել է թշնամու ղեկավարների խոսքին, որոնք իրականացրել են պետական դավաճանություն: Այ իրենք պետք է պատժվեն իրենց խոսքի համար»: