«Իրական Հայաստանը Ալենի ախպերն է, կոկորդիլոսագետի քեռին է, Ավինյանի հերն է»․ Սևակ Հակոբյան

Լրագրող, խմբագիր Սևակ Հակոբյանի ֆեյսբուքյան գրառումը. «Մարդամեկը իր մեկ երեկոյի ռազմավարության մեջ էսպիսի գլուխ էր առանձնացրել՝ «Հարստացիր և հարստացրու»։ Ո՞ւմ է ուղղված սա։ Կարդում եմ, թե ինչպես է նիկոլամերձ պաշտոնյայի եղբայրը 350 մլն դոլարի պետական տենդեր շահել։ Ժողովուրդը չի շահել, ազգը չի շահել, շահել է ո՞վ․ Ալենի ախպոր անունն են տալիս։ Սա էլ, թե՝ իմ ախպերը կապ չունի, ուղղակի էդտեղ աշխատող էր։
Ալենի ախպոր հետ այսպես ասած՝ կապ չունեցող հիմնարկի շահած տենդերի փողով ամբողջ հանրապետությունում անվճար ավտոբուսներ կբերեին․ ամբողջ հանրապետությունում, ու տոմսն էլ կսարքեին ձրի։
Իրական Հայաստանը Ալենի ախպերն է, Գռզոյի ախպերն է, կոկորդիլոսագետի քեռին է, Ավինյանի հերն է, Փամբուխչյանի հերն է։ Սա իրական Հայաստան չէ, ձեզ համար երազանք Հայաստան է, մուրազ Հայաստան է, որովհետև մենակ երազի դեպքում պարտքով պեռաշկի առնողները 350 մլն դոլար տենդեր կշահեին։
«Հարստացիր և հարստացրու» կարգախոսը շատ սխալ ես գրել, ժողովրդին պետք է ասես՝ հարստացրեք և հարստացրեք ՔՊ-ին, իսկ քո ՔՊ-ին ասես՝ հարստացեք և հարստացեք, քանի դեռ կարող ենք։ Դուք էնքան արագ եք հարստանում, որ ստիպված հայտարագրերի կայքը խափանվել է, որ չկարողանանք համեմատել ձեր դիզածը»: