«Բա բացահայտեի՛ք հոկտեմբերի 27-ը, մարտի 1-ը»․ Նորիկ Նորիկյան

«Արդար Հայաստան» կուսակցության նախագահ Նորիկ Նորիկյանի ֆեյսբուքյան գրառումը. «Հայտնի լրագրող Հռիփսիմե Ջեբեջյանի հարցին պատասխանելիս Նիկոլ Փաշինյանը հռետորական հարցադրում է անում, թե Հայաստանում էս ընթացքում /նկատի ունի իր իշխանության ժամանակահատվածը/ քաղաքական սպանություն եղե՞լ է։
Բա դա մուրճի աշխատանք չի՞, որ էդ մուրճով, փոխաբերական իմաստով, շատերի գլխին տրվել ա ու նստցվելա իրանց տեղը․․․
Ասում է՝ Հայաստանում Հոկտեմբերի 27 չի եղե՜լ, տասնյակ քաղաքական պանություններ չեն եղե՜լ․․․
Այսինքն, որ Ձեր օրոք քաղաքական սպանություն չի եղել, Դուք պետք է չբացահայտեի՞ք Ձեզանից առաջ տեղի ունեցած քաղաքական սպանությունները։
Բա բացահայտեի՛ք հոկտեմբերի 27-ը, մարտի 1-ը, Ձեր նշած տասնյակ քաղաքական սպանությունները, բացահայտեի՛ք ու դրանց պատվիրատուներին էլ ցմահ դատապարտեիք։
Սա չեք արել, հիմա Ձեր ասածը, բացի պոպուլիզմից, ինչի՞ է նման։
Նույն տոնայնությամբ Փաշինյանը շեշտում է՝ Դուք 2018թ․ առաջ էլ էիք լրագրող, Դուք կարո՞ղ էիք ասել բաներ, ինչ-որ հիմա ինձ եք ասում, և դրանից հետո հանգիստ, առոք-փառոք գնայիք Ձեր տանը ապրեի՞ք, կարայի՞ք։
Դուք էլ եք լրագրող եղել 2018թ․ առաջ։
Այդ ինչպե՞ս է ստացվել, որ Հռիփսիմե Ջեբեջյանը չէր կարող ասել, ինչ ուզում էր, բայց Դուք ինչ ուզեցել, ասել եք։ Թե՞ Դուք էլ չեք կարողացել ինչ ուզել, այն ասել, թե՞ դուք էլ եք վախեցած եղել»։