Չինաստանը փորձարկել է առեղծվածային գերձայնային հրթիռ

Չինաստանն իրականացրել է գաղտնի գերձայնային «օդ-օդ» հրթիռի վերջնական փորձարկումները, հայտնում է South China Morning Post թերթը՝ հղում անելով փորձարկողներին։
Նոր արտադրանքը կարող է լուրջ վտանգ ներկայացնել ամերիկյան նորագույն ռազմական ինքնաթիռների համար։

Լայնածավալ նախագծում ներգրավված գիտնականները հայտնել են, որ գերձայնային «օդ-օդ» հրթիռները ենթարկվել են ծայրահեղ ջերմակայունության փորձարկումների: Նրանք այսպիսով բավարարել են «Ժողովրդա-ազատագրական բանակի ռազմաօդային ուժերի կատարողականի խիստ պահանջները»։

Սա առեղծվածային զենքի գոյության առաջին պաշտոնական հաստատումն է, որը կարող է աննախադեպ վտանգ ներկայացնել ԱՄՆ-ի ռազմական ինքնաթիռների, այդ թվում՝ B-21 գաղտագողի ռմբակոծիչի համար։