«Նրանից էլ բա՜ն մի պահանջեք»․ Լիլիթ Բլեյան

Երգչուհի Լիլիթ Բլեյանի ֆեյսբուքյան գրառումը. «Քաղաքացին պարտավոր է անխոնջ աշխատել, վճարել կտրուկ բարձրացած հարկերը, հայտարարագրել բոլոր մուտքերը, անտրտունջ մուծել բարձրացած սակագներով վճարները, պարտավոր է կանգուն պահել իր բիզնեսը՝ հաղթահարելով անհաշիվ խոչընդոտներ, պարտավոր է իր տղաներին ուղարկել բանակ, որ ապահովի երկրի անվտանգ սահմանները, պարտավոր է նախապես հոգալ նրանց առողջական ու կրթական ծախսերը, այդ թվում՝ արտերկրից ճարելով ամենատարրական դեղերը, որոնք չկան երկրում, քաղաքացին պարտավոր է, պարտավոր է, պարտավոր է...
Իսկ ժողովրդի վարչապետը ոչինչ պարտավոր չէ, նա իր ուժերի սահմաններում արդեն ամեն ինչ արել է՝ քաղաքացու կյանքն ու անվտանգությունը մխտռելու համար։ Նրանից էլ բա՜ն մի պահանջեք։ Նա հիմա արդեն կարող է իր բաց թողած ինքնակրթությունը լրացնել, շաբաթը մեկ էլ ոտքը ոտքին գցած՝ կամերայի առաջ բառեր շարել իրար հետևից ու ինքնահիանալ։
Էսքանից հետո իհարկե տեղ ունի ինքնահիացման, մի աննման վիճակ է»։