Հութիները հարձակվել են ամերիկյան ավիակրի վրա

Եմենի հութիները՝ ապստամբ «Անսար Ալլահ» շարժումից, Կարմիր ծովում հրթիռային և անօդաչու թռչող սարքերով հարձակում են գործել ամերիկյան USS Harry Truman ավիակիրի վրա։

Այս մասին Al Masirah հեռուստաալիքին ասել է հութիների կողմից ստեղծված զինված ուժերի ներկայացուցիչ Յահյա Սարին։

«Եմենի հրթիռային և անօդաչու համակարգերի ուժերը համատեղ ռազմական գործողություն են իրականացրել՝ երկու թևավոր հրթիռներով և չորս անօդաչու թռչող սարքերով գրոհելով ամերիկյան USS Harry Truman ավիակիրը Կարմիր ծովի հյուսիսում»,- ասել է շարժման ներկայացուցիչը։ Հութիների տեղեկություններով՝ այդ պահին ամերիկացիները պատրաստվում էին խոշոր օդային հարված հասցնել Եմենին։ «Մեր գործողությունը հանգեցրեց ամերիկյան հարձակման ձախողմանը»,- նշել են հութիները: