«Գիտակցում են, որ իշխանափոխության հաջորդ օրն իրենց դղյակները փոխարինվելու են բանտախուցերով»․ Արմինե Ադիբեկյան

«Գործող իշխանություն փոխելու գործընթացը բավականին բարդ է։ Սերժ Սարգսյանին ու Ռոբերտ Քոչարյանին Նիկոլ Փաշինյանով փոխարինելու համար պետք եկավ մոտավորապես 20 տարի»,- «Անտիֆեյք»-ի եթերում նման տեսակետ հայտնեց ադրբեջանագետ Արմինե Ադիբեկյանը։
«Հսկայական ռեսուրսներ ներդվեցին Նիկոլ Փաշինյանին իշխանության բերելու համար, աշխատել են մի քանի պետությունների գործակալներ։ Այսօրվա ընդդիմությունն այդ ռեսուրսը չունի։ Հասկանում ենք՝ Փաշինյանը անգրագետ է, տգետ, ոչ կոմպետենտ, հոգեկան ինչ-որ խանգարումներ ունի, սակայն որպես ՀՀ վարչապետ նրա ռեսուրսակազմը անհամեմատելի է, իր հայեցողության տակ ունի ՆԳՆ, բանակ, զենք, մարդկանց, որոնք այս վերջին 6 տարվա ընթացքում այնպիսի բարձունքների են հասել, որ ատամներով պահելու են իրենց նվաճումները։ Նրանք գիտակցում են, որ իշխանափոխության հաջորդ օրն իրենց դղյակները փոխարինվելու են բանտախուցերով։ Իշխանությանը պետք է փոխել ներսից, համակարգից դուրս դա անելը դժվար է»,- ասաց Ադիբեկյանը՝ կանխատեսելով տարածքային կորուստներ, տնտեսկան լուրջ կոլապս։ Նրա միակ մաղթանքն էր, որ աննիկոլ մնանք բոլորս։