«Աշխատաժամանակը կրճատելու իշխանության նախաձեռնությունը պոպուլիզմ է»․ Թադևոս Ավետիսյան

ԱԺ «Հայաստան» խմբակցության պատգամավոր Թադևոս Ավետիսյանի ֆեյսբուքյան գրառումը՝ կից տեսանյութով․ «Աշխատողների իրավունքներն անպաշտպան են, այդ թվում՝ հանգստի, առավելագույն աշխատաժամանակի, աշխատանքի առողջ և անվտանգ պայմանների իրավունքները։
Նվազագույն աշխատավարձով աշխատող հարյուր հազարավոր աշխատողներ աղքատ են, քանի որ նրանց աշխատավարձը ցածր է նույնիսկ մեկ անձի հաշվով նվազագույն սպառողական զամբյուղի արժեքից։
Իսկ աշխատաժամանակը կրճատելու իշխանության նախաձեռնությունը ընդամենը պոպուլիզմ է հերթական դոզայով՝ առկա և խորացող խնդիրները քողարկելու նպատակով»։