«Մսավաճառներին և շոուի զոհ դարձած երիտասարդներին տարան ՁՊՎ»․ Սյուզի Բադոյան

Լրագրող Սյուզի Բադոյանը ֆեյսբուքյան էջում գրել է․ «Վարդուհի Սարգսյանը քիչ առաջ դուրս եկավ իրավապահների մոտից։

Հանդիպել է Գումից ձերբակալված մսավաճառներին, զրուցել է և պատրաստակամություն է հայտնել՝ցուցաբերել անվճար փաստաբանական ծառայություն և աջակցություն, բայց նրանք համարյա բոլորը համոզված են, որ 72 ժամ կպահեն իրենց ու բաց կթողնեն։

Ասել են՝ շնորհակալ ենք, Վարդո՛ւհի ջան, բայց հո մենք խուլիգան կամ հանցագործ չե՞նք, որ մեզ փաստաբանի պադերժկա պետք լինի, որ մեղադրանքի մասի խոսեն, ասեն ոստիկանի գույք եք վնասել կամ նեղացրել եք ոստիկանին, զգանք նեղն ենք, խաբար կուղարկենք։

Մեզ հեսա երկու օր կպահեն, բաց կթողնեն։

Սա ընդհանուր առմամբ բոլորի մոտեցումն է եղե։ Ամեն դեպքում Վարդուհին ու ես կապի մեջ ենք մսավաճառներից ոմանց ընտանիքների և ընկերների հետ

Իսկ ձերբակալված տղամարդկանց տարան ՁՊՎ , այսինքն՝ բաց չեն թողնի։

Կառաջադրվի մեղադրանք, թե ոչ և ինչ հոդվածով, առայժմ անորոշ է։

ԱԺ Հայաստան խմբակցության ու Երևանի ավագանու ընդդիմադիր անդամներից զանգեր եղան։

Հիմա պատգամավորներ կայցելեն ՁՊՎ տարվող ԳՈՒՄ-ի մսավաճառներին և էսօրվա շոուի զոհ դարձած երիտասարդ տղերքին։

Պատգամավոր Գեղամ Մանուկյանն ու մյուսները ավելի ուշ կտեղեկացնեն՝ ինչ եղավ հետո»։