«Թե դեպի ո՞ւր է գնում Հայաստանը, կերևա մարտ ամսին». Արթուր Գևորգյան
126
Շաբաթ, 14 դեկտեմբերի, 2024 թ., 02:12
Քանդակագործ Արթուր Գևորգյանի ֆեյսբուքյան գրառումը. «Թե դեպի ո՞ւր է գնում Հայաստանը, կերևա մարտ ամսին։ *Պատահական չէ, որ Գյումրու ընտրություններն ընկում են այդ ամսին։ *Պատահական չէ, որ նոր արթնացող հասարակության համար այդ ամիսը դառնալու է կուլմինացիոն կետ։ *Պատահական չէ, որ Նիկոլը սափրված է, թևքերը քշտած ու կամացից «եփում» է ժողովրդին: *Ոչինչ պատահական չէ, երբ Մարիա Զախարովան հիշեցնում է, որ «2 տարի ՀԱՊԿ-ի անդամավճար չվճարած պետությունն, ըստ կանոնադրության՝ դուրս է մնում կազմակերպությունից»։ Պուտինը հրավիրում է ԱՊՀ երկրների ղեկավարներին ու զորախմբերին մասնակցել Հայրենական պատերազմի 80- ամյա հաղթանակին նվիրված զորահանդեսին։ Այսինքն, մարտ-հունիսը ՀՀ-ում լինելու է աշխարհաքաղաքական խմորումների, եռքի ամիսներ ու արանքում դրանով «ծածկելու» է «թեժ գարուն» սցենարը։ Իսկ, միգուցե, հակառա՞կը: Ցույց կտա ժամանակը և ամեն դեպքում մինչև Նոր տարի կունենանք քաղաքական նոր իրադրություն։ *Պե՞տք է Նիկոլին ընտրություններ Գյումրիում։ Կանխատեսումներս, որ քաղաքական կոնյուկտուրայից ելնելով է, որ միայն պետք է, դառնում են իրատեսական։ Մարտն այն ամիսն է, երբ ՀԱՊԿ-ի մասով պիտի հատակ կողմնորոշվել ՀԱՊԿ-ի հարցում կամ դուրս կանեն մեզ։ Եթե ձգեն, ուրեմն՝ մինչև մարտ։ *Գյումրին ՀՀ անկախության պատմության մեջ անցել է ամեն ինչի միջով են ունի հզոր իմունիտետ։ Գյումրին էն հրաշք քաղաքն է, որտեղ ավելի շատ պատմամշակութային հուշարձաններ կան, քան ՀՀ որևէ այլ բնակավայրում։ Գյումրին միշտ եղել է աշխարհաքաղաքական խմորումների կիզակետում ու իր ուսերի վրա վերցրել հայության լինել չլինելու իր մասը»։
