«Հայաստանում կաշառք ստանալը անպատժելի և խրախուսելի արարք է»․ Արթուր Չախոյան

Բլոգեր Արթուր Չախոյանը ֆեյսբուքյան իր էջում լուսանկար է հրապարակել՝ կից գրելով. «Ներկա դրությամբ՝ 2024թ Հայաստանում կաշառք ստանալու համար 7 հոգի դատապարտյալ կա:
Այդ ցուցանիշը փաստում է, որ Հայաստանում կաշառք ստանալը անպատժելի և խրախուսելի արարք է: Հանրությունը ականատես է լինում, որ այս իշխանության ներկայացուցիչները պաշտոն զբաղեցնելուց նույնիսկ ծակ նասկի չեն ունեցել, իսկ այսօր Նիկոլ Փաշինյանի ասած՝ դղյակներում են ապրում...
Օրեր առաջ ավտոբուսի վարորդների իրականացրած բողոքի ակցիայի ժամանակ վարորդը հայտնել էր, որ այո՛,
ստվեր եղել է, «կոպեկ գողացել են», գողացած կոպեկները մինչև բարձր պաշտոնյաների փոխանցվել է։
Իշխանությունը այդ հայտարարությունը պետք է ընդուներ որպես հաղորդում պետական միջոցների հափշտակման մասին, սակայն հաղորդում ընդունելու փոխարեն քրեական գործ հարուցեցին վարորդների նկատմամբ՝ բողոքի ակցիա անելու համար:
Ինչը կրկին անգամ փաստում է, որ ՔՊ-ն խրախուսում է իր թիմակիցների կողմից իրականացրած համակարգային թալանը, քանի որ հենց ՔՊ-ական նախկին «Երևանի ավտոբուս» ՓԲԸ տնօրեն Հովհաննես Մանուկյանը մեղադրվում էր մոտ 950.000.000 մլն դրամ չարաշահումների մեջ… սակայն մինչ օրս լռություն:
Կաշառք ստանալու համար «Քաղաքացիական պայմանագիր» կուսակցությունում ապագա կա՛»: