Բրիտանիայում ցուցարարները հարձակվել են երկրորդ հյուրանոցի վրա

Մեծ Բրիտանիայում ցուցարարները հարձակվել են երկրորդ՝ Holiday Inn հյուրանոցի վրա, որը գտնվում է Տեմվորտ քաղաքում, հայտնում է Sky News-ը։

Ըստ ոստիկանության՝ մի խումբ մարդիկ կոտրել են հյուրանոցի պատուհանները, փորձել հրկիզել շենքը:

Մինչ այս ցուցարարները հարձակվել էին Ռոտերեմի Holiday Inn-ի վրա, որտեղ կրկին ներգաղթյալներ էին ապաստանել:

Անկարգությունների պատճառ է դարձել օրեր առաջ Սաութպորտ քաղաքում երեք երեխաների դանակահարությունը: Ըստ ցուցարարների՝ երեխաներին սպանողը ներգաղթյալ է եղել։ Ոստիկանությունը հերքել է դա՝ ասելով, որ կասկածյալը ծնվել է Մեծ Բրիտանիայում։