Իսրայելական բանակը հայտարարել Բեյրութի հրթիռակոծման մասին

Իսրայելի պաշտպանության բանակը (IDF) հայտարարել է, որ հարվածներ է հասցրել Բեյրութին՝ թիրախավորելով «իսրայելցի խաղաղ բնակիչների սպանության համար պատասխանատու» հրամանատարին:
«Իսրայելական բանակը թիրախային հարված է հասցրել Բեյրութին՝ Մաջդալ Շամսում երեխաների սպանության և մեծ թվով իսրայելցի խաղաղ բնակիչների սպանության համար պատասխանատու հրամանատարի վրա»,- ասվում է հրապարակման մեջ։

Հիշեցնենք, որ հուլիսի 27-ի երեկոյան հրթիռակոծության է ենթարկվել Գոլանի բարձունքներում գտնվող Մաջդալ Շամս քաղաքը։ Մահացել է 12 մարդ՝ երեխաներ և դեռահասներ։ Իսրայելական կողմը հարձակման պատասխանատվությունը բարդել է լիբանանյան շիական «Հեզբոլլահ» շարժման վրա։ Վարչապետ Բենիամին Նեթանյահուն ասել էր, որ Իսրայելն անպատասխան չի թողնի հարձակումը։