Լուկաշենկոն վաղը կհանդիպի Պուտինի հետ

Բելառուսի նախագահ Ալեքսանդր Լուկաշենկոն կայցելի Ռուսաստան և կհանդիպի Ռուսաստանի նախագահ Վլադիմիր Պուտինի հետ, հաղորդում են ռուսական ԶԼՄ-ները։ Նշվում է, որ վաղը՝ ապրիլի 11-ին, կկայանա Ռուսաստանի և Բելառուսի նախագահների «դեմ առ դեմ» հանդիպումը։ Նրանք կքննարկեն տարբեր ոլորտներում երկու երկրների համագործակցության զարգացման թեմաները։ Ապրիլի 12-ին Լուկաշենկոն և Պուտինը նախատեսում են համատեղ միջոցառում անցկացնել՝ Տիեզերագնացության օրվա կապակցությամբ: Նրանք կքննարկեն միջազգային տիեզերակայան կատարած առաքելության արդյունքները, որտեղ պատմության մեջ առաջին անգամ աշխատել է Միութենական պետության անձնակազմը, ինչպես նաև կհանդիպեն տիեզերագնացների հետ։