«Հուսով ենք, որ Հայաստանի ու Ադրբեջանի միջև խաղաղության համաձայնագիրը կստորագրվի». Կոբախիձե

Վրաստանն աջակցում է Հարավային Կովկասում կայունության, խաղաղության և համատեղ ապրելու ջանքերին: Այս մասին այսօր Երևանում ՀՀ վարչապետ Նիկոլ Փաշինյանի հետ համատեղ ասուլիսի ժամանակ հայտարարել է Վրաստանի վարչապետ Իրակլի Կոբախիձեն:

«Իսկապես, հուսով ենք, որ Հայաստանի և Ադրբեջանի միջև խաղաղության համաձայնագիրը կստորագրվի, և որ դա կլինի շոշափելի համաձայնագիր: Վրաստանը պատրաստ է դրականորեն աջակցել այդ գործընթացին և նպաստել տարածաշրջանում խաղաղության հաստատմանը»,- նշել է Կոբախիձեն: