«Շուշիի հռչակագիրն ադրբեջանա-թուրքական հարաբերությունների սահմանադրությունն է»․ Ադրբեջանում Թուրքիայի դեսպան

Շուշիի հռչակագիրն ադրբեջանա-թուրքական հարաբերությունների սահմանադրությունն է: Այս մասին հայտարարել է Ադրբեջանում Թուրքիայի դեսպան Ջահիթ Բաղջին՝ ընդգծելով, որ Անկարան հետագայում ևս կշարունակի զարգացնել «անխախտ եղբայրություն, համերաշխություն, ամուր դաշնակցային հարաբերություններ և համագործակցություն Բաքվի հետ»:

Հիշեցնենք, որ հռչակագիրը նախատեսում է փոխադարձ ռազմական օգնություն «երրորդ երկրի կողմից ագրեսիայի դեպքում» և սերտ համագործակցություն ռազմարդյունաբերության ոլորտում: