«Ադրբեջանը կարող է լայնածավալ ներխուժում իրականացնել Հայաստան». #FreedomHouse
Freedom House կազմակերպությունը հրապարակել է «Ազատությունն աշխարհում 2024թ.» զեկույցը, որում նշվում է, որ 2023 թվականին աշխարհում ազատության ինդեքսը նվազել է (18-րդ տարին անընդմեջ նվազում է): Զեկույցում Լեռնային Ղարաբաղի դեմ Ադրբեջանի ռազմական գործողությունները, Լաչինի միջանցքի շրջափակումը և տեղի հայերի տեղահանությունը ներկայացվել են որպես աշխարհում խաղաղության ինդեքսի նվազման պատճառներից մեկը: Զեկույցի համաձայն՝ վիճելի տարածքների շուրջ զինված հակամարտությունները հանգեցրել են քաղաքական իրավունքների և ազատությունների նվազմանը: Զեկույցում ընդգծվում է, որ Լեռնային Ղարաբաղում վերջին իրադարձությունները տեղի են ունեցել Ադրբեջանում ավտորիտարիզմի խորացման ֆոնին, և 1990-ականներից ի վեր Ադրբեջանի կառավարությունը խտրական քաղաքականություն է վարել էթնիկ հայերի նկատմամբ: Նշվում է նաև, որ Լեռնային Ղարաբաղի գրավումը բարձրացրել է Իլհամ Ալիևի բռնապետության մակարդակը երկրի ներսում և մտավախություն է առաջացրել, որ Ադրբեջանի ղեկավարությունը կարող է լայնածավալ ներխուժում իրականացնել Հայաստան, որի սահմաններն արդեն խախտված են: Զեկույցում նաև նշվում է, որ Լեռնային Ղարաբաղից փախստականների զանգվածային հոսքից հետո Հայաստանի կառավարությունը շարունակում է խզել հարաբերությունները Ռուսաստանի հետ, որի խաղաղապահ առաքելությունը քիչ բան է արել անցյալ տարվա սեպտեմբերին Ադրբեջանի հարձակումը կանխելու համար: Բացի այդ, զեկույցում ասվում է, որ Երևանն աշխատում է Կրեմլից իր կախվածությունը նվազեցնելու ուղղությամբ՝ դիվերսիֆիկացնելով ռազմական և արտաքին քաղաքականությունը և հավատարիմ մնալով ժողովրդավարական բարեփոխումներին: |
«Խնդրի լուծումը Երևանում է»․ Անժելա Էլիբեգովա
6117:00«Իրական թեման կարողացան հմուտ կերպով թաղել քարոզչական հիստերիզմով»․ Հրանտ Տեր-Աբրահամյան
6516:36«Վահագն Մախսուդյանին կալանքի տանելով՝ փորձ է արվում նրա հորը ետ կանգնեցնել պայքարից»․ Գեղամ Մանուկյան
8116:06«Սա է Ալիևի ու Նիկոլի նպատակը»․ Գագիկ Համբարյան
7813:18«Սա կլինի Հայաստանի ավարտը»․ Միհրան Պողոսյանի կուսակցության հայտարարությունը
8712:18«Տավուշի մարզում տեղի ունեցող պայքարը խիստ ոգևորիչ և հուսադրող է»․ Նարեկ Սամսոնյան
9610:06