Ճապոնիայում երկրաշարժի զոհերի թիվը հասել է 110-ի

Ճապոնիայում տեղի ունեցած ուժգին երկրաշարժի զոհերի թիվը հասել է 110-ի, հայտնում է Kyodo գործակալությունը։
Տուժել է 516 մարդ, մասամբ կամ ամբողջությամբ ավերվել է ավելի քան 365 տուն։
2024 թվականի առաջին օրը Ճապոնիայի արևմտյան ափին գտնվող Իսիկավա պրեֆեկտուրայի Նոտո թերակղզու տարածքում տեղի են ունեցել մի շարք երկրաշարժեր, որոնցից ամենաուժեղը եղել է 7,6 մագնիտուդով: