Մինչև պատերազմի ավարտն Ուկրաինայում ընտրություններ չեն լինի

Ուկրաինայի Գերագույն Ռադայի բոլոր խմբակցություններն ու խմբերը որոշել են հետաձգել Ուկրաինայում խորհրդարանական և նախագահական ընտրությունների անցկացումը մինչև ռազմական գործողությունների ավարտը։

Որոշման մեջ ասվում է, որ ընտրությունները կարող են անցկացվել ոչ շուտ, քան ռազմական դրության վերացումից վեց ամիս հետո։

Միջոցառման մասնակիցներից մեկը՝ «Բատկիվշչինա» խմբակցության ղեկավարի տեղակալ Սերգեյ Սոբոլևը, նշել է, որ պատերազմի ժամանակ ընտրությունները կանխելու մասին հռչակագրի ստորագրման նախաձեռնությունն արվել է երկրում հնարավոր պառակտումը կանխելու համար։