Երևան`   +10 °C
Այսօր`   Ուրբաթ, 29 մարտի, 2024 թ.

Աֆղանստանում սպանվել է «Ալ-Քաիդայի» առաջնորդ Զավահիրին

1879
Երեքշաբթի, 02 օգոստոսի, 2022 թ., 12:00
Աֆղանստանում սպանվել է «Ալ-Քաիդայի» առաջնորդ Զավահիրին

ԱՄՆ նախագահ Ջո Բայդենը հայտնել է «Ալ-Քաիդա»-ի առաջնորդ Այման Զավահիրիի սպանության մասին, որը տեղի է ունեցել Աֆղանստանում՝ ԱՄՆ-ի կողմից իրականացված գործողության արդյունքում։
«Արդարությունը հաստատվել է. ահաբեկիչների առաջնորդն այլևս չկա»,- ասել է Բայդենը՝ հեռուստաուղերձում:
Նրա խոսքով՝ Զավահիրիի գտնվելու վայրի մասին ԱՄՆ հետախուզական ծառայություններին հայտնի էր դարձել տարեսկզբին:

Ուսամա բեն Լադենի սպանությունից հետո Զավահիրին ղեկավարել է «Ալ-Քաիդան»: Նա համարվում էր 2001թ. ահաբեկչության կազմակերպիչը:

Հիշեցնենք՝ 2001թ. սեպտեմբերի 11-ը Միացյալ Նահանգների նորագույն պատմության մեջ մտավ որպես մեծագույն ողբերգության օր: Ահաբեկչության հետևանքով Նյու Յորքի Համաշխարհային առևտրի կենտրոնի երկու երկնաքերների փլատակների տակ զոհվեց շուրջ 3 հազար մարդ: