ՆԱՍԱ-ն տիեզերանավ է ուղարկել Լուսին

ԱՄՆ-ի Օդագնացության և տիեզերական հետազոտությունների ազգային վարչությունը (NASA) հաջողությամբ արձակել է Capstone տիեզերանավը դեպի Լուսին, որը պետք է օգնի հաշվարկել ապագա լուսնային կայանի ուղեծիրը:

Արձակումը տեղի է ունեցել առավոտյան ժամը 5:55-ին Նոր Զելանդիայի Մահիա թերակղզու արձակման վայրից: Սարքը գործարկվել է ամերիկյան Rocket Lab ընկերության ստեղծած Electron արձակման մեքենայի միջոցով։ NASA-ն ակնկալում է, որ 25 կիլոգրամանոց Capstone-ը կհասնի իր նպատակին 3 ամսում և առնվազն 6 ամիս կանցկացնի լուսնի ուղեծրում: