Երևան`   +27 °C
Այսօր`   Երկուշաբթի, 23 մայիսի, 2022 թ.

Ինչպես խուսափել իրավախախտման վերաբերյալ որոշումը ԴԱՀԿ ծառայություն ուղարկելուց

306
Ուրբաթ, 28 հունվարի, 2022 թ., 00:24
Ինչպես խուսափել իրավախախտման վերաբերյալ որոշումը ԴԱՀԿ ծառայություն ուղարկելուց

«Վարորդի ընկեր» ՀԿ-ն տեղեկացնում է. «Հարգելի վարորդներ, որպեսզի խուսափեք ՀՀ Պարեկային ծառայության կողմից արձանագրված իրավախախտման վերաբերյալ որոշումը ԴԱՀԿ ծառայություն ուղարկելուց, անհրաժեշտ է կատարել հետևյալը.
1) իրավախախտումն արձանագրելու դեպքում կարող եք նշել ձեր անհամաձայնությունը, ստորագրել և վերցնել այն։ Եթե հրաժարվում եք իրավախախտման վերաբերյալ որոշումը վերցնել, այն չի առաքվում փոստով, այլ հրապարակվում է roadpolice.am կայքում և համարվում եք պատշաճ ծանուցված,
2) կազմված իրավախախտման վերաբերյալ որոշումն ստանալու պահից կամ դրա մասին առցանց հրապարակումից (ծանուցում) հետո, անհամաձայնության դեպքում անհրաժեշտ է երեսուն օրվա ընթացքում բողոք ներկայացնել վերադաս մարմնին, վերադաս բողոքի մերժման դեպքում՝ երկու ամսվա ընթացքում ՀՀ վարչական դատարան։
Բողոքարկման ժամկետները (հաշվարկվում է իրավախախտման վերաբերյալ որոշումն ստանալու (ծանուցվելու) օրվանից՝ երկու ամիս) բաց թողնելու դեպքում իրավախախտման վերաբերյալ որոշումն ուղարկվում է ԴԱՀԿ ծառայություն։
Հաշվի առնելով այն, որ վարորդների կողմից իրավախախտման վերաբերյալ որոշումները տեղում՝ Պարեկային ծառայողներից չվերցնելու հետևանքով ծանուցումներ են ստանում ԴԱՀԿ ծառայությունից, Վարորդի ընկերը ևս մեկ անգամ հորդորում է վարորդներին լինել ուշադիր, իրավախախտման վերաբերյալ որոշման հետ համաձայն չլինելու դեպքում նշել անհամաձայնությունը, ստորագրել և վերցնել որոշումը, այնուհետև օրենքով սահմանված կարգով իրականացնել բողոքարկումը»։