Երևան`   +3 °C
Այսօր`   Ուրբաթ, 29 մարտի, 2024 թ.

Ճաղատ տղամարդուն գլխատել են՝ հավատալով, որ նրա գլխում ոսկի կա

2528
Հինգշաբթի, 20 հունվարի, 2022 թ., 22:12
Ճաղատ տղամարդուն գլխատել են՝ հավատալով, որ նրա գլխում ոսկի կա

Մոզամբիկում ճաղատ տղամարդուն գլխատել են՝ կարծելով, թե նրա գլխում ոսկի կա: Այս մասին հայտնում է The South African կայքը։

Սպանությունը ծիսական բնույթ է կրել. այդ երկրի որոշ բնակիչներ հավատում են, որ ճաղատների գլխում ոսկի կա։ Սա առաջին անգամը չէ, որ նման հանցագործություններ են տեղի ունենում, ինչը մտահոգում է Մոզամբիկի իշխանություններին։

Աղբյուրի տվյալներով՝ տղամարդու գլուխը պետք է վաճառվեր Մալիում ապրող «գնորդին», սակայն նա, ի վերջո, անհետացել է։ Հանցագործները գլուխը թողել են Մուանդիվա քաղաքում: Դեպքը հետաքննում է տեղի ոստիկանությունը։

Նշվում է նաև, որ այս տարօրինակ համոզմունքի պատճառով վերջերս առնվազն հինգ մարդ է սպանվել։ Ոստիկանները նաև ենթադրում են, որ այդ համոզմունքը տարածել են տեղացի «կախարդները»՝ այդպիսով ստիպելով իրենց մոտ բերել ճաղատների գլուխներ:

Արտաքին տեսքի հետ կապված ծիսական սպանությունները տարածված են այս մայրցամաքում։ Օրինակ, Տանզանիայում և Ուգանդայում սպանում կամ անդամահատում են ալբինոսներին։