Հուժկու փոթորիկը Թուրքիայում 5 մարդու կյանք է խլել. կան տասնյակ վիրավորներ

Թուրքիայի մի շարք նահանգներում, հատկապես Էգեյան և Մարմարա ծովերի շրջանում, ուժգին փոթորիկ է տեղի ունեցել, առնվազն 5 մարդ Է զոհվել: Այդ մասին հայտնել է թուրքական Hürriyet պարբերականը: Ստամբուլում ուժգին քամին 4 մարդու կյանք է խլել, այդ թվում՝ մեկ օտարերկրացու, Զոնգուլդակի նահանգում զոհվել է 1 մարդ: 38 մարդ վնասվածքներ է ստացել: Փոթորիկը մեծ վնաս է հասցրել մեծ Ստամբուլի շրջանին, այնտեղ փլուզվել է ժամացույցի աշտարակը, խորտակվել են մի քանի ձկնորսական նավեր, հեղեղվել են ավտոմայրուղիները, պոկվել են տանիքներ, անբարենպաստ եղանակային պայմանների պատճառով փակվել է քաղաքի ասիական մասում գտնվող «Սաբիհա Գյոքչեն» օդանավակայանը: