Թենեսիում ջրհեղեղի զոհերի թիվը հասել է 22-ի

ԱՄՆ Թենեսի նահանգի Համֆրիս շրջանում տեղի ունեցած ջրհեղեղի հետևանքով մահացածների թիվը հասել է 22-ի, տասնյակ մարդիկ համարվում են անհետ կորած: Որոնողափրկարարարական աշխատանքները շարունակվում են: Այս մասին հայտնում է Associated Press գործակալությունը: Նշվում է, որ հորդառատ անձրևների պատճառով առաջացած ջրհեղեղները գյուղական շրջաններում վնասել են ճանապարհները, բջջային կապի աշտարակներն ու հեռախոսագծերը: