«Ու ոչ ոք սրան չի արձագանքում». Աննա Կոստանյան

«Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է. «Օրը ցերեկով հաստաբուն ծառը հատում են, գազոնը՝ այլանդակում, հետաքրքիր է՝ ինչի՞ համար։ Ու ոչ ոք սրան չի արձագանքում, ոչ ոք չի հետաքրքրվում։ Այնքան շատ կանաչ տարածքներ ունենք, որ «ստիպված» եղածն էլ ոչնչացնում են, հավանաբար մի անճոռնի կառույց կամ ավտոկայանատեղի հիմնելու համար։

Վայրը՝ Նոր Նորքի 3-րդ զանգվածի հիվանդանոցի հարակից պոլիկլինիկայի ուղիղ դիմաց։

Երևանի քաղաքապետարա՛ն, խնդրում եմ քաղաքացիների համար պարզաբանել, թե ի՞նչ նպատակով է ոչնչացվում այս կանաչ տարածքը և կա՞ արդյոք դրա թույլտվությունը, եթե կա, ապա ի՞նչ հիմնավորմամբ»։