Երևան`   +14 °C
Այսօր`   Հինգշաբթի, 28 մարտի, 2024 թ.

Կոնգոյում սպանվել Է Իտալիայի դեսպանը

5247
Երկուշաբթի, 22 փետրվարի, 2021 թ., 19:10
Կոնգոյում սպանվել Է Իտալիայի դեսպանը

Կոնգոյի Դեմոկրատական Հանրապետությունում Իտալիայի դեսպան Լուկա Ատանազիոն սպանվել է ավտոշարասյան վրա հարձակման հետևանքով: Այս մասին հայտնել է Իտալիայի ԱԳՆ ֆեյսբուքյան էջը։
«Արտաքին գործերի նախարարությունը խոր ցավով հաստատում է՝ այսօր Կոնգոյի Դեմոկրատական Հանրապետությունում Իտալիայի դեսպան Լուկա Ատանազիոյի և կարաբիներների կորպուսի զինվորի մահը»,-ասված է հաղորդագրության մեջ:
Նշվում է, որ դիվանագիտական ներկայացուցչության ղեկավարն ու զինվորը եղել են աֆրիկյան երկրում կայունացման՝ ՄԱԿ առաքելության ավտոմեքենայով:
Իտալիայի արտաքին գործերի նախարար Լուիջի դի Մայոն ցավակցություն է հայտնել զոհվածների հարազատներին ու մտերիմներին: Նա նշել է, որ ամեն ինչ արվելու է կատարվածի հանգամանքները պարզելու և հանցագործների ինքնությունը պարզելու համար:
ՄԱԿ տվյալներով՝ ավտոշարասյան մյուս մասնակիցները նույնպես վնասվածքներ են ստացել։