Մադրիդում պայթյունի հետևանքով զոհվածների թիվը հասել է 4-ի

Մադրիդի կենտրոնում՝ եկեղեցուն պատկանող շենքում տեղի ունեցած ուժգին պայթյունի հետևանքով զոհերի թիվը հասել է 4-ի, հոգևորական է մահացել, հինգշաբթի առավոտյան հայտնել է Մադրիդի արքեպիսկոպոսությունը:

«4-րդ զոհը 36-ամյա հոգևորական Ռուբեն Պերես Այալան է։ Նա մահացել է հինգշաբթի օրը՝ ծանր վնասվածքների և ներքին արյունահոսության հետևանքով»,- ասված է հայտարարության մեջ:

Չորեքշաբթի հզոր պայթյուն է տեղի ունեցել Մադրիդի կենտրոնում գտնվող տանը, որտեղ ապրում են Virgen de la Paloma եկեղեցու քահանաները: Նախնական վարկածի համաձայն՝ գազի պայթյուն է տեղի ունեցել։ Ավելի վաղ հաղորդվել Էր 3 զոհի և 11 վիրավորի մասին: