Սպանվել է «իրանական ռումբի հայրը». Իրանը մեղադրում է Իսրայելին պետական ահաբեկչության համար
Իրանի Պաշտպանության նախարարությունը հաստատել է, որ Թեհրանից ոչ հեռու տեղի ունեցած հարձակման հետևանքով սպանվել է ֆիզիկոս Մոհսեն Ֆահրիզադեն, որին որոշ դիվանագետներ համարում էին «իրանական ռումբի հայրը»: Արևմտյան հետախուսական կենտրոններն էլ պնդում էին, որ նա է իրանական միջուկային ծրագրի ղեկավարը: Իրանի ԱԳ նախարար Մոհամադ Զարիֆը հայտնել է, որ Իսրայելն անմիջական առնչություն ունի սպանությանը։ «Այդ ստոր ակտը, որտեղ կան Իսրայելի դերի լուրջ վկայություններ, ցույց է տալիս պատերազմ հրահրելու համար հանցագործների հուսահատությունը»,- Twitter-ում գրել էր Զարիֆը: Երկրի առաջնորդ Այաթոլա Ալի Խամենեի խորհրդականը ևս ուղղակիորեն մեղադրել է Իսրայելին: Իսրայելի վարչապետի գրասենյակն, ինչպես նաև ԱՄՆ ՊՆ-ը հրաժարվել են մեկնաբանություններից: 2018 թվականին Իսրայելի վարչապետ Բենյամին Նեթանյահուն Իրանի միջուկային ներուժի մասին մամուլի ասուլիսում հիշատակել էր ֆիզիկոսի անունը՝ նրան անվանելով «վտանգավոր երկրի միջուկային ծրագրի հայր»։ Նշենք, որ 2010-2012 թվականներին սպանվել է իրանցի 4 միջուկային փորձագետ: Թեհրանը նրանց սպանության համար դարձյալ մեղադրել է Իսրայելին, թեև ապացույցներ առաջ չի քաշել: Ֆահրիզադեն իմամ Հուսեյնի անվան համալսարանի ատոմային ֆիզիկայի պրոֆեսոր էր և Իրանի ՊՆ խորհրդականը: Մի քանի տարի առաջ նա կրկին ենթարկվել էր մահափորձի: Իրանական Tasnim գործակալությունն էլ մանրամասնել է, որ Ֆահրիզադեն զոհվել է իր մեքենայի մոտ տեղի ունեցած պայթյունից և հրաձգությունից հետո: |
«Այսօր որևէ մեկը չի խոսում թուրքերի կողմից զավթված մեր սեփականության մասին». Տիգրան Պետրոսյան
7403:06«Աննային մուծվում էին նաև, երբ նա «Հայկական ժամանակ» թերթի լրագրող էր». Նարինե Կիրակոսյան
8702:18Դերասան Արման Նավասարդյանը Կիրանցում է (տեսանյութ)
8800:54«Հարյուրավոր մեր քաղաքացիներ իրենց վկայականները ձեռքներն սպասում են ձեզ, այ ըտեղ վեր ընգած ոչմիբաներ». Գառնիկ Դանիելյան (տեսանյութ)
8800:48«Ազգ, որին համառորեն փորձում են դարձնել մաթևոսյանական հանճարով նկարագրված կով». Արմեն Աշոտյան
9300:24«Կիրանցում մարդկանց մի մասն իրենց երեխաներին հանել է գյուղից». Գոհար Վարդանյան
9000:18