Բելառուսում ձերբակալվածներին մերկացնում են, ծեծում, սպառնում բռնաբարել
![]() Իրավապաշտպան կազմակերպությունները դատապարտել են անմարդկային պայմանները, որոնցում պահվում են Բելառուսում ցույցերի ժամանակ կալանավորված հազարավոր մարդիկ: Այս մասին հայտնում է Euronews-ը: Օգոստոսի 9-ին տեղի ունեցած նախագահական ընտություններից հետո, ըստ պաշտոնական տվյալների, ձերբակալվել է ավելի քան 6700 մարդ: Աղբյուրի տեղեկություններով՝ Բելառուսի կալանավայրերում պայմանները սարսափելի են: Համացանցում տարածվում են ցուցարարներին ֆիզիկական բռնությունների ենթարկելու մասին գրառումներ, լուսանկարներ ու տեսանյութեր: «Բանտախցում, որը նախատեսված է 5-6 կալանավորի համար, կա 50-70 մարդ: Նրանք կանգնած են, չեն կարող նստել: Ջուրը քիչ է: Նրանք ֆիզիկական բռնության են ենթարկվում: Բերման ենթարկելիս, ծեծում են, հետո շարունակում են ծեծել կալանավայրում, իսկ հետո՝ ազատելու պահին»,- ասում է իրավապաշտպան Ալես Բելյացկին: «Տղամարդկանց մերկացնում են, հետո նրանց ստիպվում են քայլել միջանցքով՝ հագուստը ձեռքներին բռնած, հետո ծնկի գալ՝ դեմքով դեպի պատը: Եթե բողոքում են, ծեծի են ենթարկվում»,- պատմում են ոստիկանական բաժանմունքներում եղած ականատեսները: Ըստ Amnesty International իրավապաշտպան կազմակերպության՝ ձերբակալվածները նկարագրել են, թե ինչպես են իրենց ստիպել մերկանալ, ծեծի են ենթարկել և անգամ սպառնացել բռնաբարել. «Նախկին կալանավորները մեզ փոխանցել են, որ կալանավայրերը դարձել են խոշտանգումների վայրեր, որտեղ բողոքողներին ստիպում են պառկել կեղտի մեջ, իսկ ոստիկանները նրանց հարվածում են մահակներով»,- ասում է կազմակերպության տարածաշրջանային հարցերով տնօրենը: |

Քալիֆոռնիայում մասնավոր համերգի ժամանակ տեղի ունեցած կրակոցների հետևանքով ինը մարդ վիրավորվել է
13213:12
Յակուտիայում հայրը որսորդական հրացանով սպանել է 15-ամյա որդուն, վիրավորել կրտսեր որդուն և ինքնասպան եղել
15112:54
Ինդոնեզիայում քաղցրավենիքի գործարանում բռնկված հրդեհի հետևանքով երեք մարդ է զոհվել (տեսանյութ)
20209:43
Ինդոնեզիայում 7,2 մագնիտուդով երկրաշարժ է տեղի ունեցել
279Երեկ, 14:43
Կադրեր՝ 3-րդ մասում տեղի ունեցած խոշոր ավտովթարի վայրից (տեսանյութ)
176Երեկ, 14:06
Խոշոր և շղթայական ավտովթար՝ Երևանում
148Երեկ, 12:12
