Երևան`   +21 °C
Այսօր`   Երեքշաբթի, 22 սեպտեմբերի, 2020 թ.

«Մի՞թե հեղափոխություն արեցիք, որ օրինականացնեիք Տարոն Մարգարյանի որոշումները». Սյուզաննա Սիմոնյան

194
Երեքշաբթի, 04 օգոստոսի, 2020 թ., 13:40
«Մի՞թե հեղափոխություն արեցիք, որ օրինականացնեիք Տարոն Մարգարյանի որոշումները». Սյուզաննա Սիմոնյան

Նախկին ՀԽ մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Պարո՛ն քաղաքապետ, մի՞թե դուք հեղափոխություն արեցիք, որ գայիք և օրինականացնեիք նախկինների և տվյալ դեպքում Տարոն Մարգարյանի որոշումները և այսօր էլ արդարանայիք, որ այդ որոշումը կայացվել է մինչև իշխանափոխությունը։ Մտածե՞լ եք, թե ինչո՞ւ էինք իշխանությունից պահանջում, որ իրավա-քաղաքական գնահատական տրվեր նախկիններին։ Եթե ձեր իշխանությունը դա արած լիներ, այսօր բոլոր նրանց ապօրինի որոշումները շատ հեշտությամբ չեղյալ կհայտարարվեին, և դուք նման խնդրի առջև չէիք կանգնի։ Հիմա անիմաստ է պաշտպանվելը Տարոն Մարգարյանի ապօրինի որոշումներով։ Հանցանքը ձեր թիմինն է, քանի որ դուք ձեր եկած օրվանից օրինականացնում եք նրանց բոլոր ապօրինությունները։ Ցավում եմ, որ դուք բոլորդ նման կեցվածք ընդունեցիք և մսխեցիք հեղափոխության ձեռքբերումները»: