Տեղեկություն ենք ստացել, որ ոստիկանության հատուկ ուժեր են տեղափոխվում Ամուլսարի մոտ. ՀԲՃ

Հայկական բնապահպանական ճակատ (ՀԲՃ) նախաձեռնության ֆեյսբուքյան էջում հաղորդագրություն է տարածվել. «Տեղեկություն ենք ստացել, որ ոստիկանության հատուկ ուժեր են տեղափոխվում Ամուլսարի մոտ: Ջերմուկ համայնքի բնակիչները հիմա հավաքվում են այնտեղ՝ հերթական անգամ պահանջելու, որ Ամուլսարի տարածքում «վերանորոգման աշխատանքի տպավորություն» ստեղծող վեց աշխատողները դուրս գան այնտեղից:

Նման բարդ և վտանգավոր իրավիճակում շատ կարևոր ենք համարում, որ ամբողջ համայնքը և Վայոց ձորի մոտակա մյուս բնակավայրերի բնակչությունը մոբիլիզացվի՝ ոչ միայն տղամարդիկ, այլ նաև կանայք, երեխաները:

Ոստիկանության բռնությունը պետք է բացառվի»: