Ստամբուլում պոկել են Սուրբ Գրիգոր Լուսավորիչ հայկական եկեղեցու խաչը

Ստամբուլի Սկյուտար թաղամասում գտնվող հայկական Սբ. Գրիգոր Լուսավորիչ եկեղեցու վրա հարձակում է տեղի ունեցել։ Անհայտ անձը պոկել է եկեղեցու դռան վրա տեղադրված խաչը, որը ֆիքսել են եկեղեցու տեսախցիկները։
Դեպքի առնչությամբ եկեղեցու ղեկավարությունը հանդես է եկել հայտարարությամբ, որում նշվում է, որ հարձակման մասին ոստիկանություն բողոք է ներկայացվել, իսկ պոկված խաչի փոխարեն տեղադրվել է նորը։