#COVID_19 կորոնավիրուսը կփլուզի ԱՄՆ-ի տնտեսության 40%-ը

Խոշորագույն բանկերը թարմացրել են ԱՄՆ-ի տնտեսության անկման կանխատեսումները, համաձայն որոնց գնահատականների, այն կկազմի 35-40%: Ըստ Morgan Stanley-ի գահատականների՝ ամերիկյան տնտեսությունը կկանգնի ավելի լուրջ փորձությունների առաջ, քան նախկինում գնահատվել էր: Այս պահին սպասվում է 38% անկում, քանի որ ձեռնարկությունները փակ են երկրի բոլոր նահանգներում: ՀՆԱ-ի իրական անկումը կարող է գերազանցել 1946 թվականի ռեկորդը և հասնել 5,5%-ի: Credit Suisse Bank-ը կանխատեսում է ԱՄՆ-ի ՀՆԱ-ի 5,3% անկում, որը կգերազանցի 2008-ի ճգնաժամի ցուցանիշը (2,8%):

Bank of America-ի վերլուծաբանները կանխատեսում են ամերիկյան տնտեսության 12% անկու, իսկ ԱՄՆ-ի Կոնգրեսի բյուջեի գրասենյակը տնտեսության անկումը գնահատել է 28%: JP Morgan-ի փորձագետների կարծիքով՝ գործազրկության աճը բացասաբար է ազդում ստեղծված իրավիճակի վրա: 3 շաբաթվա ընթացքում շուրջ 17 միլիոն ամերիկացի դիմել է գործազրկության նպաստ ստանալու համար: Ըստ բանկային վերլուծաբանների՝ այդ ցուցանիշը կարող է աճել մինչև 25 միլիոնի, առանց աշխատանքի կմնա բնակչության 20%-ը: