Երևան`   +4 °C
Այսօր`   Չորեքշաբթի, 18 նոյեմբերի, 2026 թ.

ՀՀ կառավարությունը հաստատեց «Հայկական վիրտուալ կամուրջ» ծրագիրը

308
Հինգշաբթի, 12 մարտի, 2020 թ., 12:45
ՀՀ կառավարությունը հաստատեց «Հայկական վիրտուալ կամուրջ» ծրագիրը

ՀՀ կառավարությունը մարտի 12-ի նիստում հաստատեց «Հայկական վիրտուալ կամուրջ» ծրագիրը: Այն մշակել է Բարձր տեխնոլոգիական արդյունաբերության նախարարությունը: Ծրագրի նպատակը տարածաշրջանում մրցունակ ու տեխնոլոգիապես առաջատար երկիր դառնալն է: «Հայկական վիրտուալ կամուրջ» ծրագրով 2020թ. 45 հայ ձեռներեցներ հնարավորություն են ստանում հատուկ մասնագիտական ծրագերով այցելել «գիտության և նորարարությունների» կենտրոն՝ Սիլիկոնյան հովիտ, ստանալու ձեռնարկատիրական և բիզնես գիտելիքներ, արտադրանքը ճիշտ ներկայացնելու հմտություններ, հանդիպել ներդրողների և վենչուրային կապիտալիստների հետ:

Ինչպես նշեց Բարձր տեխնոլոգիաների նախարար Հակոբ Արշակյանը, այս տարվա փետրվարի 13-ին տեղի է ունեցել Դրեյփերի համալսարանի գարնան շրջանի դասընթացների համար ընտրության փուլը: Ստացված 109 հայտերից հաղթող են ճանաչվել 5 ձեռներեցներ, ովքեր կստանան 100% ամբողջական պետական կրթաթոշակ: Եվս 3 գաղափարների հեղինակների հաճելի անակնկալ է մատուցել Դրեյփերի համալսարանի նախագահը. հաշվի առնելով մասնակիցների նորարարական մտածողությունը և գաղափարների զարգացման ներուժը՝ տրամադրվել է 50% կրթաթոշակ՝ Դրեյփերի համալսարանում սովորելու համար: Բարձր գնահատելով այս ծրագրի կարևորությունը՝ «Իմ Քայլը» հիմնադրամը պատրաստակամություն է հայտնել հոգալու 3 հաղթողների հավելյալ 50% ուսման վարձը:

Ընթացիկ տարում նմանատիպ ևս 2 մրցույթ կանցկացվի: