Իսրայելը հարված է հասցրել Դամասկոսին՝ 172 ուղևորով ինքնաթիռի վայրէջքի պահին

1828

Ուրբաթ, 07 փետրվարի, 2020 թ., 10:20

Փետրվարի 6-ին Իսրայելի բանակը կործանիչներից օդային հարվածներ է հասցրել Սիրիայի ՀՕՊ համակարգերին՝ վտանգի ենթարկելով Airbus-320 ինքնաթիռը, որի մեջ կային 172 ուղևորներ, և այն պատրաստվում էր վայրէջք կատարել, հաղորդում է ТАСС գործակալությունը՝ հղում անելով Ռուսաստանի պաշտպանության նախարարության խոսնակ Իգոր Կոնաշենկովին։ Ինքնաթիռը կատարում էր Թեհրան-Դամասկոս չվերթը։ Իսրայելական F-16 կործանիչներն «երկինք-երկիր» տեսակի հրթիռներով հարվածներ են հասցրել Դամասկոսի արվարձանների ուղղությամբ։ Հրթիռակոծման հետևանքով ինքնաթիռը ստիպված է եղել վայրէջք կատարել «Խմեյմիմ» ռուսական ավիաբազայում։