«Եթե կարոտում եք նախորդ խորհրդարանը, կարող եք գնալ, նրանց հետ սուրճ խմել». Ռուբինյանը՝ Մարուքյանին
![]() ԱԺ-ն հունվարի 22-ին 73 կողմ, 20 դեմ, 15 ձեռնպահ ձայների հարաբերակցությամբ ընդունեց քրեական ենթամշակույթի դեմ պայքարի օրինագիծը: ԼՀԿ-ից Տարոն Սիմոնյանը քվեարկությունից առաջ հայտարարեց, որ իրենք դեմ են քվեարկելու, որովհետև օրինագծում անորոշություններ կան: Հիշեցնենք, որ այս օրինագծի քննարկման ժամանակ էր նախորդ օրը տեղի ունեցել ԲՀԿ-ի և «Իմ քայլի» պատգամավորների միջև քաշքշուկը: Մեկ այլ քվեարկությամբ խորհրդարանը մերժեց Երևանի քաղաքապետարանին տրանսպորտային միջոցների և այլ գույքի փոխանցման գործընթացի օրինականությունը ստուգելու նպատակով քննիչ հանձնաժողով ստեղծելու հարցը: ԼՀԿ ղեկավար Է.Մարուքյանը հույս էր հայտնել, թե խորհրդարանական մեծամասնությունը չի տապալի այն: Նրան աջակցություն էր հայտնել ԲՀԿ-ից Նաիրա Զոհրաբյանը՝ նշելով. «Դրանով դուք վատ վիճակի մեջ եք դնում ձեր քաղաքապետին»: «Իմ քայլը» խմբակցության ղեկավար Լիլիթ Մակունցն այսպես արձագանքեց. «Վատ նախադեպն այն է, որ իրավունքի ուժով ստեղծված հանձնաժողովն իրականացնի գործառույթներ, որոնք իր լրազորությունների մեջ չեն մտում և պարունակում են հակասահմանադրական տարրեր»,- նշեց նա և առաջարկեց, որ քննությունը Երևանի ավագանին կատարի: Լ.Մակունցը հավելեց, որ «Իմ քայլը» չի մասնակցելու քվեարկությանը: Քվեարկությունից հետո Մարուքյանը հայտարարեց. «Դուք ցույց տվեցիք, որ քաղաքական կամք չունեք՝ Երևանի քաղաքապետարանում կոռուպցիոն ռիսկերն ուսումնասիրելու համար: Հարցն արդեն խորհրդարանի հարթակում է: Սա վատ նախադեպ է, որը չի եղել անգամ նախորդ խորհրդարանում: Սա քաղաքական հետևանքներ է ունենալու: Մեծամասնություն ունենալով՝ վախենում եք ուսումնասիրել կոռուպցիոն ռիսկերը»,- պնդեց նա: «Իմ քայլից» Ռուբեն Ռուբինյանն էլ Մարուքյանին առաջարկեց. «Կոչ եմ անում կոռեկտ արտահայտվել: Եթե կարոտում եք նախորդ խորհրդարանը, կարող եք գնալ, ձեր նախկին գործընկերների հետ սուրճ խմել»: ԱԺ նախագահ Ա. Միրզոյանը նկատեց, թե Ռ.Ռուբինյանի այդ արտահայտությունը կոռեկտ չէ: |

Շրջանների զգալի մասում սպասվում են տեղումներ, քամու ուժգնացում (լուսանկար)
7308:18
«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան
159Երեկ, 21:48
«Եթե Փաշինյանը վստահ է իր ուժերի վրա, թող ազատ արձակի քաղբանտարկյալներին, և գնանք արտահերթ ընտրությունների». Անդրանիկ Թևանյան
157Երեկ, 21:24
Սաուդյան Արաբիան ավիահարվածներ է հասցրել Եմենի Հոդեյդա նավահանգստին (տեսանյութ)
227Երեկ, 20:55
«Ոչ մի վկա Սամվել Կարապետյանի ոչ թե դեմ, այլ անգամ նրա վերաբերյալ ցուցմունք չի տվել». Ռուբեն Հակոբյան (տեսանյութ)
152Երեկ, 20:48
Քալիֆոռնիայի գլխավոր դատախազը հետաքննություն է սկսել Nvidia ընկերության նկատմամբ
326Երեկ, 19:24
