Երևան`   +4 °C
Այսօր`   Չորեքշաբթի, 18 նոյեմբերի, 2026 թ.

«Գազպրոմի» նկատմամբ «հաղթանակի» համար «Նավթոգազի» թոփ-մենեջերները կստանան 25 միլիոն դոլար որպես բոնուս

906
Շաբաթ, 28 դեկտեմբերի, 2019 թ., 13:00
«Գազպրոմի» նկատմամբ «հաղթանակի» համար «Նավթոգազի» թոփ-մենեջերները կստանան 25 միլիոն դոլար որպես բոնուս

«Նավթոգազ Ուկրաինա»-ի ղեկավար Անդրեյ Կոբոլևը և ընկերության գործադիր տնօրեն Յուրի Վիտրենկոն «Գազպրոմի» նկատմամբ տարած հաղթանակի համար կստանան ևս 25,6 միլիոն դոլար որպես բոնուս:

«Գազպրոմ»-ը Ստոկհոլմի արբիտրաժի որոշմամբ «Նավթոգազին» փոխանցել է 2,9 միլիարդ դոլար, ինչը, ըստ ուկրաինական Strana հրատարակության, Կոբոլևին և Վիտրենկոյին թույլ կտա ստանալ բազմամիլիոն բոնուսը: Ստոկհոլմի դատարանում հաղթանակ տանելու համար նրանք արդեն ստացել են 20,7 միլիոն դոլար որպես բոնուս, ներառյալ հարկերը: Այս գումարը, ըստ հրապարակման, թոփ մենեջերներն ուղարկել են Միացյալ Նահանգներ և Լիխտենշտեյն՝ իրենց հարազատներին:
«Նավթոգազ Ուկրաինա»-ի վերահսկիչ խորհուրդը Ստոկհոլմի արբիտրաժային դատարանում հաղթանակի կապակցությամբ ընկերության 41 աշխատակցի ընդհանուր առմամբ 46 միլիոն դոլարի պարգևավճար է փոխանցել։