Հայտնի է Bek Air ինքնաթիռի կործանման նախնական պատճառը

Հայտնի են «Bek Air» ավիաընկերությանը պատկանող ինքնաթիռի կործանման նախնական պատճառները, գրում է РИА Новости գործակալությունը։ Այս մասին հայտարարել է Ղազախստանի փոխվարչապետ Ռոման Սկլյարը։ «Վարկածները նախնական են։ Ինքնաթիռը երկու անգամ պոչային հատվածով դիպչել է թռիչքուղուն: Կամ դա օդաչուի սխալն է կամ տեխնիկական խնդիր»,- նշել է նա: Fokker-100 մոդելի ինքնաթիռների թռիչքները ներկա պահին դադարեցված են: Ավելի քան 60 մարդ տեղափոխվել է հիվանդանոց: Վերջին տեղեկությունների համաձայն՝ զոհերի թիվը հասել է 15-ի, ՆԳՆ-ում հայտնում են 12 զոհի մասին: