Երևան`   +9 °C
Այսօր`   Կիրակի, 22 նոյեմբերի, 2026 թ.

Լիբիայի բանակը մեղադրում է Թուրքիային՝ ԴԱԻՇ ահաբեկիչներին Թունիսով իր երկիր անցկացնելու մեջ

769
Հինգշաբթի, 26 դեկտեմբերի, 2019 թ., 21:20
Լիբիայի բանակը մեղադրում է Թուրքիային՝ ԴԱԻՇ ահաբեկիչներին Թունիսով իր երկիր անցկացնելու մեջ

Թուրքական հետախուզությունն իրականացնում է ԴԱԻՇ և «Ջեբհաթ ան Նուսրա» ահաբեկչական խմբավորումների զինյալների տեղափոխումը Սիրիայից Լիբիա՝ Թունիսի օդանավակայաններից մեկի միջոցով: Այս մասին հայտնել է Լիբիայի ազգային բանակի պաշտոնական ներկայացուցիչ, գեներալ Ահմեդ ալ-Միսարիին՝ եգիպտական «El Watan» հրատարակությանը։

«Սա շատ լուրջ հարց է, քանի որ օգտագործվում է Թունիսի օդանավակայաններից մեկը, մասնավորապես՝ Դերբա օդանավակայանը, որտեղ վայրէջք են կատարում ահաբեկչական խմբավորումները, այնուհետև նրանք Թունիսից Լիբիա են տեղափոխվում»,- հայտարարել է գեներալը: Բացի այդ, ինչպես նշում է գեներալը, ավելի վաղ այդ խմբավորումների գրոհայիններն իրենց վերահսկողության տակ էին վերցրել օդային նավահանգիստները, որոնք վերահսկվում էին Տրիպոլիի ազգային համաձայնության կառավարության կողմից՝ ներառյալ Լիբիայի մայրաքաղաք Տրիպոլիի միակ օդանավակայան Միտիգան, այնպես էլ Միսուրատա և Զուվարա քաղաքներում նավահանգիստները: