Երևան`   +9 °C
Այսօր`   Կիրակի, 22 նոյեմբերի, 2026 թ.

Թուրքիան 17 մլն դոլար կտրամադրի Վրաստանի պաշտպանությանը

1903
Չորեքշաբթի, 25 դեկտեմբերի, 2019 թ., 19:05
Թուրքիան 17 մլն դոլար կտրամադրի Վրաստանի պաշտպանությանը

Թուրքիան, ռազմական համագործակցության մասին համաձայնագրի շրջանակներում, Վրաստանի պաշտպանության նախարարությանը կհատկացնի 100 միլիոն թուրքական լիրա (մոտ 17 միլիոն դոլար), հայտնում է Վրաստանի պաշտպանության նախարարության մամուլի ծառայությունը:

Անկարայում Թուրքիայի պաշտպանության նախարար Հուլուսի Աքարն ընդունել է իր վրացի գործընկեր Իրակլի Ղարիբաշվիլիին:

Հանդիպմանն Իրակլի Ղարիբաշվիլին շնորհակալություն է հայտնել Թուրքիայի նախարարին՝ Վրաստանի տարածքային ամբողջականությանն և ինքնիշխանությանն աջակցելու համար, ինչպես նաև նշել է Թուրքիայի դերը, որն ուղղված է ՆԱՏՕ-ի հետ օպերատիվ համատեղելիության մակարդակի բարձրացման և Վրաստանի պաշտպանունակության բարձրացմանը: