Երևան`   +9 °C
Այսօր`   Կիրակի, 22 նոյեմբերի, 2026 թ.

Forbes-ը հրապարակել է տարվա ամենահաջողակ և աղքատացած միլիարդատերերի ցուցակը

1321
Շաբաթ, 21 դեկտեմբերի, 2019 թ., 19:05
Forbes-ը հրապարակել է տարվա ամենահաջողակ և աղքատացած միլիարդատերերի ցուցակը

Forbes ամսագիրը հրապարակել է ընթացիկ տարվա ֆինանսական առումով ամենահաջողակ և ամենից շատ միջոցներ կորցրած միլիարդատերերի ցուցակը։

Այս տարի ամենից շատ վաստակել է Louis Vuitton Moet Hennessy (LVMH) ֆրանսիական շքեղ ապրանքների խմբի ղեկավար Բեռնար Առնոն, ում պատկանում է Christian Dior, Louis Vuitton և Givenchy ապրանքանիշները: Ըստ Forbes-ի՝ մոլորակի երրորդ ամենահարուստ մարդու կարողությունը նախորդ տարվա համեմատ աճել է 40 միլիարդ դոլարով:
Երկրորդ հորիզոնականը զբաղեցնում է Facebook-ի ղեկավար Մարկ Ցուկերբերգը, ով այս տարի աշխատել է 22 միլիարդ դոլար: Վարկանիշային աղյուսակի երրորդ հորիզոնականը զբաղեցնում է Zara ապրանքանիշի սեփականատեր՝ Ամանսիո Օրտեգան իր 17,3 միլիարդ դոլար եկամուտով։
Աղքատացածների ցուցակը գլխավորում է հնդիկ գործարար Ազիմ Փրեմժին (կարողությունը պակասել է 14,1 միլիարդ դոլարով), Amazon-ի հիմնադիր Ջեֆ Բեզոսը (13.1 միլիարդի կորուստով), Essel Group-ի նախագահ Սուբհաս Չանդրան (3,4 միլիարդ կորուստով)։