Բրիտանական ընկերությունը հայտարարել է 267 միլիոն մարդու տվյալների արտահոսքի մասին

Facebook սոցիալական ցանցի ավելի քան 267 միլիոն օգտատերերի տվյալները հասանելի են դարձել համացանցում։ Այս մասին հայտարարել է բրիտանական Comparitech հետազոտական ընկերությունը, գրում է «Интерфакс» գործակալությունը։

Հայտնի է, որ համացանցում հայտնվել են օգտատերերի հեռախոսահամարները, անունները, հաշիվների նույնարկիչները: Ենթադրվում է, որ արտահոսքն առաջին անգամ հայտնաբերվել է դեկտեմբերի 4-ին, իսկ դեկտեմբերի 12-ին տվյալները հրապարակվել են հաքերային ֆորումում, որտեղից այն կարելի էր անվճար ներբեռնել: Արտահոսքը հայտնաբերել է փորձագետ Բոբ Դյաչենկոն, որից հետո տվյալների բազան արգելափակվել է։