Երևան`   +9 °C
Այսօր`   Կիրակի, 22 նոյեմբերի, 2026 թ.

Պենտագոնը ձեռք է բերել 2,7 հազար զրահապատ նոր մեքենա

1411
Հինգշաբթի, 19 դեկտեմբերի, 2019 թ., 20:50
Պենտագոնը ձեռք է բերել 2,7 հազար զրահապատ նոր մեքենա

Միացյալ Նահանգների զինված ուժերը ձեռք են բերել 2,7 հազար նոր JLTV (Joint Light Tactical Vehicle) տեսակի զրահապատ մեքենա, որոնք նախատեսված են փոխարինելու արդեն հնեցած HMMWV (High Mobility Multipurpose Wheel Vehicle) խմբի տրանսպորտային միջոցներին, հաղորդում է ТАСС գործակալությունը՝ վկայակոչելով Պենտագոնի մամուլի ծառայությանը:

«ԱՄՆ ցամաքային զորքերի, ծովային կորպուսի, օդուժի և ռազմածովային ուժերի համար կնքվել է պայմանագիր, որի արժեքը կազմում է 803.9 միլիոն դոլար: Պայամագիրը կիրականացնի Oshkosh Defense ընկերությունը մինչև 2022-ի հունվարի 31-ը»,- նշվում է հաղորդագրության մեջ։

Ինչպես հավելել է ԱՄՆ Պաշտպանության նախարարությունը, այս թիվը ներառում է նաև Չեռնոգորիայի համար JLTV զրահատեխնիկայի մատակարարումը, որը կլինի ամերիկյան զրահատեխնիկայի առաջին նոր մոդելը, որը կվաճառվի Բալկանյան երկրներին։

Ավելի վաղ, հայտնի էր դարձել, որ Միացյալ Նահանգները պատրաստվում է նոր զինամթերք ձեռք բերել՝ ընդհանուր 2 տրիլիոն դոլար արժեքով։